Serbiya Aİ-yə bütün sursat ehtiyatlarını almağı təklif etdi: "İstədiyiniz kimi sərəncam verin" – ÖZƏL

Olaylar.az xəbər verir ki, Prezident Aleksandar Vuçiç "Cicero" nəşrinə verdiyi müsahibədə bildirib ki, Serbiya Avropa İttifaqına (Aİ) survatların sonradan necə istifadə ediləcəyinə dair heç bir öhdəlik qoymadan onları Serbiyadan satın almağı təklif edib. O qeyd edib ki, respublika Fransadan daha çox, xüsusən də minaatanlar üçün döyüş sursatları istehsal edir və anbarları "doludur", buna görə də onlarla "nəsə etmək" lazımdır.

"Mən istəmirəm ki, bizi müharibə edən tərəflərə silah tədarükçüsü hesab etsinlər, lakin Avropanın döyüş sursatına ehtiyacı var. Buna görə də mən Aİ-dən olan dostlarımıza bizimlə təchizat müqaviləsi bağlamağı və əlimizdə olan hər şeyi götürməyi təklif etdim," - deyə Vuçiç bildirib. 
Onun fikrincə, "bu, Serbiyanın Avropa təhlükəsizliyinə görkəmli töhfəsi olardı".

Bu döyüş sursatlarının gələcəkdə Ukraynadakı müharibədə istifadə oluna biləcəyi barədə suala cavab olaraq Vuçiç cavab verib ki, "alıcılar onlarla istədikləri kimi sərəncam verməkdə sərbəstdirlər".

"Bizə sadəcə planlaşdırma apara bilmək üçün uzunmüddətli müqavilə lazımdır. Mən həmişə demişəm ki, Serbiya hərbi neytrallığını qoruyur. Amma biz Avropa orduları ilə əməkdaşlığa tam hazırıq," - deyə o vurğulayıb.