Rusiya Baş Naziri: Moskva və Pekinin əlaqələri tarixin ən yüksək səviyyəsindədir – ÖZƏL

Olaylar.az xəbər verir ki, Rusiyanın Baş naziri Mixail Mişustin Rusiya və Çin arasındakı əlaqələrin bütün tarix ərzində ən yüksək səviyyəyə çatdığını və dinamik inkişaf etdiyini bəyan edib.

Mişustin Çin Dövlət Şurasının Baş naziri Li Çyan ilə dar tərkibdə keçirilən görüşdə deyib: "Rusiya və Çin arasındakı münasibətlər, Qərbin müxtəlif maneələrinə və qeyri-qanuni sanksiyalarına baxmayaraq, çoxəsrlik tarixdə ən yüksək səviyyədədir və bütün istiqamətlərdə dinamik inkişaf etməyə davam edir."

Mişustin bu il iki ölkənin hökumət başçılarının 30-cu, yubiley görüşünün keçirildiyini qeyd edib. O, bu formatın "hərtərəfli tərəfdaşlıq və strateji qarşılıqlı fəaliyyət ruhunda bütün icra hakimiyyəti orqanlarının effektiv koordinasiyasını təmin etdiyini" vurğulayıb.

Baş nazir, 2025-ci ilin Almaniya nasizmi və Yapon militarizmi üzərində Böyük Qələbənin 80 illiyi ilə əlamətdar olduğunu və Rusiya Prezidenti Vladimir Putin ilə Çin Sədri Si Cinpinin Moskva və Pekindəki təntənəli tədbirlərdə iştirakının "Rusiya və Çin xalqlarının səmimi dostluğunun yeni təsdiqi" olduğunu xatırladıb.

Hər iki ölkənin hökumətləri liderlərinin təsdiqlədiyi çoxşaxəli əməkdaşlığın inkişafı üzrə bütün tapşırıqları yerinə yetirir: Əmtəə dövriyyəsinin strukturunun şaxələndirilməsi hesabına qarşılıqlı ticarətin keyfiyyəti təmin edilir və sahibkarların bazarlarda işləməsi üçün rahat şərait yaradılır.

Mişustin investisiya əməkdaşlığının genişləndirilməsinə xüsusi diqqət yetirildiyini vurğulayıb. Mayın 8-də Moskvada imzalanmış hökumətlərarası İnvestisiyaların Təşviqi və Qarşılıqlı Müdafiəsi haqqında Saziş dekabrın 1-də qüvvəyə minəcək və yeni birgə müəssisələrin yaradılmasını stimullaşdıracaq.

Əməkdaşlıq strateji xarakter daşıyır, neft, qaz, kömür və atom komponentlərini əhatə edir. Sənayedə yeni birgə istehsalatlar və texnoloji alyanslar yaradılır; nəqliyyatda yükdaşımaların həcmi artır, transsərhəd infrastruktur inkişaf edir; kənd təsərrüfatı əməkdaşlığı hər iki ölkənin ərzaq təhlükəsizliyini gücləndirir; humanitar əlaqələr qonşuluq və tərəfdaşlığın əsaslarını möhkəmləndirir.

Qeyd edək ki, Mişustin iki günlük səfərlə Çindədir. Hökumət başçılarının otuzuncu növbəti görüşü Hançjou şəhərində keçirilir.