2025-ci ildə Ermənistan vətəndaşlığını alanların sayı 17 mini keçib- ÖZƏL

Ermənistanda 2025-ci ilin ilk doqquz ayında 17 180 nəfər ölkə vətəndaşlığını qəbul edib. Bu, ötən ilin eyni dövrü ilə müqayisədə 15,5% çoxdur. Olaylar.az xəbər verir ki, məlumatı noyabrın 3-də Ermənistan  daxili işlər naziri Arpine Sarkisyan parlament komissiyalarının birgə iclasında 2026-cı il dövlət büdcəsi layihəsinin müzakirəsi zamanı bildirib. Nazirin sözlərinə görə, həmin dövrdə 3 166 nəfərin Ermənistan vətəndaşlığı dayandırılıb. Bu göstəricidə də 10,7% artım müşahidə olunub. Lakin ümumi mənzərədə vətəndaşlıq alanların sayı üstünlük təşkil edir. Sarkisyan qeyd edib ki, ümumi dinamika Ermənistan vətəndaşlığına marağın əvvəlki illərlə müqayisədə artdığını göstərir.