Latviya qadınların müdafiəsinə dair İstanbul konvensiyasından çıxır

Latviya parlamenti Avropa Şurasının qadınlara qarşı zorakılığın qarşısının alınması haqqında konvensiyasını ləğv etmək qərarı verib.

Olaylar.az "Delfi" portalına istinadla xəbər verir ki, 13 saatdan çox davam edən müzakirədən sonra Seym deputatları Latviyanın qadınlara qarşı zorakılığın və məişət zorakılığının qarşısının alınması haqqında Avropa Şurası konvensiyasından (İstanbul konvensiyası) çıxmasını ikinci oxunuşda təsdiqləyiblər.

Müxalifət nümayəndələri və sağçı koalisiyanın üzvü olan Yaşıllar və Kəndlilər Birliyindən olan bir deputat sənədə səs veriblər. Lakin ölkə prezidenti Edqar Rinkeviç qanunu imzalamaqdan imtina edərsə, proses gecikə bilər. Dövlət başçısının qərar qəbul etmək üçün 10 günü var - sənədi parlamentə geri göndərmək üçün on gün.

Bu konvensiyaya qarşı çıxanlar onun cəmiyyəti parçaladığını və məişət zorakılığı probleminin beynəlxalq müqavilələrdə iştirak etmədən həll edilə biləcəyini iddia edirlər.

Bir gün əvvəl minlərlə insan İstanbul konvensiyasının rədd edilməsinə etiraz edib. Aksiya iştirakçıları hakimiyyətin "Rusiyanı kopyaladığını" bəyan etdilər - Moskva bu sənədə qoşulmayıb.

Latviya konvensiyaya 2016-cı ildə qoşulub və 2024-cü ildə onu ratifikasiya edib. 2011-ci ildə qəbul edilən sənədi 39 dövlət imzalayıb. (Musavat.com)