Rusiyadan Ukraynaya KÜTLƏVİ HÜCUM: Ölən və yaralananlar var

Dünən gecə Rusiya qoşunları Ukraynanın enerji, dəmir yolu və yaşayış infrastrukturuna kütləvi zərbələr endirib.

Olaylar.az xəbər verir ki, Ukrayna hakimiyyətinin məlumatına görə, ölkənin qərb və mərkəzi bölgələrindəki enerji obyektlərinə zərbələr endirilib.

Xüsusilə, zərbələr Lvov bölgəsindəki Dobrotvir İstilik Elektrik Stansiyasına, eləcə də İvano-Frankivsk bölgəsindəki Burştin və Kaluş İstilik Elektrik Stansiyalarına, Vinnitsa bölgəsindəki Ladıjin İstilik Elektrik Stansiyasına dəyib.

Hücumlar nəticəsində ölkə daxilində təcili elektrik kəsintiləri baş verib. Kiyevdə və Kiyev bölgəsində, eləcə də Ukraynanın əksər bölgələrində təcili elektrik kəsintiləri qeydə alınıb.

Zaporojyeya şəhərində ciddi ziyan qeydə alınıb. Zaporojyeya Regional Administrasiyasının sədri İvan Fedorovun sözlərinə görə, raket şəhərdəki yataqxanaya düşərək bir neçə mərtəbəni dağıdıb. Şəxsi evlər və çoxmərtəbəli binalar da zərər görüb. İlkin məlumatlara görə, bir nəfər ölüb, ən azı 13 nəfər yaralanıb.

Bundan əlavə, "Ukrzaliznitsa" Nikolayev bölgəsində elektrik kəsintisinin baş verdiyini və bunun nəticəsində bir neçə qatarın gecikdiyini bildirib. (Musavat.com)