Slovakiya Baş naziri Ukraynaya maliyyə yardımını bloklamağa hazırdır – ÖZƏL

Slovakiya Baş naziri Robert Fiko bəyan edib ki, Ukrayna Rusiya qazının Avropaya tranzitini bərpa etmədiyi üçün ölkəsinə maliyyə yardımını bloklamağa hazırdır. 

Olaylar.az xəbər verir ki, o, bu fikrini jurnalistlərlə keçirdiyi brifinqdə səsləndirib.

Xatırladaq ki, Kiyev 2019-cu ildə imzalanmış Rusiya qazının Ukrayna ərazisindən tranzitinə dair müqaviləni yeniləməkdən imtina edib. Bu qərarı tənqid edən ilk Avropa siyasətçilərindən biri məhz Robert Fiko olub. Baş nazir hətta Moskvaya səfər edərək Rusiya prezidenti Vladimir Putinlə qaz tranziti ətrafında yaranmış vəziyyəti müzakirə edib. Görüş zamanı siyasətçilər həmçinin Ukrayna münaqişəsinin həlli yolları barədə fikir mübadiləsi aparıblar.

Bundan əvvəl Robert Fiko vurğulamışdı ki, Ukraynanın prezidenti Vladimir Zelenskinin qaz müqaviləsini uzatmamaq qərarı sırf siyasi bir kaprizdir.