ABŞ FTC “Microsoft”u araşdırmağa hazırlaşır - ÖZƏL

Olaylar.az xəbər verir ki, ABŞ-nin Federal Ticarət Komissiyası (FTC) "Microsoft"un bulud hesablama sahəsində anti-rəqabətçi addımlarını araşdırmağa hazırlaşır. Reuters-in məlumatına görə, bu barədə vəziyyətlə yaxından tanış mənbələr bildiriblər.

FTC, Microsoft-un məhsuldarlıq proqram təminatı bazarındakı üstün mövqeyindən sui-istifadə etməsi ilə bağlı iddiaları tədqiq edir. Şirkətin müştərilərə sərt lisenziya şərtləri tətbiq edərək onların bulud xidməti Azure-dan digər rəqib platformalara keçməsinin qarşısını almağa çalışdığı bildirilir. Hesabata görə, Microsoft-un nəzərdən keçirilən taktikaları abunə haqlarının əhəmiyyətli dərəcədə artırılması, xidmətdən çıxış üçün yüksək ödənişlərin alınması və Office 365 məhsullarının digər bulud xidmətləri ilə uyğunsuzluğunun yaradılmasını əhatə edir.