Yaponiya sahillərində güclü zəlzələ oldu

Oqasavara adasından 193 km cənubda (Bonin adaları, Yaponiya) Filippin dənizi sularında 5,7 bal gücündə zəlzələ qeydə alınıb.

Olaylar.az xəbər verir ki, bu barədə Rusiya Elmlər Akademiyasının Vahid Geofizika Xidmətinin Altay-Sayan filialı bildirib.

Məlumata əsasən, qeydə alınan zəlzələ "çox güclü" kimi qiymətləndirilib.

ABŞ Geoloji Xidmətindən bildiriblər ki, zəlzələnin maqnitudası 5,8 təşkil edib. Həmçinin, Amerika seysmoloqları "UTC" vaxtı ilə saat 00:11-də bu ərazidə 5 bal gücündə təkrar zəlzələ qeydə alıblar. Onların məlumatına görə, zəlzələnin ocaqları müvafiq olaraq 8 və 19 km dərinlikdə yerləşib.