Matvienko: dövlət abortları qadağan etmək fikrində deyil

Federasiya Şurasının sədri Valentina Matvienko bildirib ki, dövlət qadınlara abort etdirməyi qadağan etmək niyyətində deyil. Eyni zamanda, o, abort xidmətlərinin gizli edilməsinə icazə verilməməli olduğunu vurğuladı.

Olaylar.az xəbər  verir  ki,  "Mən tam əminəm ki, heç bir qadağalar, heç bir təşviqat, heç bir təzyiq, bu sahədə qanunvericiliyin kriminallaşdırılması bu problemi həll edə bilməz. Dövlət isə bu yola əl atmayacaq", - deyən xanım Matvienko qadın harada - özəl və ya dövlət klinikasında abort etdirəcəyini seçmək hüququndan məhrum edilməməlidir sözünü də əlavə edib.

Federasiya Şurasının sədri qeyd edib ki, bu cür məhdudiyyətlər qadın ölümünün artmasına və qeyri-qanuni xidmətlər bazarının inkişafına səbəb olur.