Koreya yarımadasında deeskalasiya ABŞ-ın hərbi mövqeyi ilə pozulub – ÖZƏL

Xəbərlərimizi "WhatsApp" kanalımızdan oxuyun

"Koreya yarımadasında gərginliyin azaldılması ABŞ-ın təcavüzkar hərbi mövqeyini dayandırmasını və bütün tərəflər arasında qarşılıqlı hörmət əsasında dialoqun başlanmasını tələb edir".

Olaylar.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.

"Moskva əmindir ki, deeskalasiyaya aparan yol Vaşinqtonun təcavüzkar hərbi fəaliyyətinə son qoymaqdan və Koreya nizamlanması prosesində iştirak edən bütün tərəflər arasında onların bütün qanuni maraqlarını nəzərə alan qarşılıqlı hörmətə əsaslanan dialoq qurmaqdan keçir" - diplomat, qeyd edib.
Zaxarova qeyd edib ki, Pxenyanın qərarı Şimali Koreyanın noyabrın 21-də kəşfiyyat peykini buraxması bəhanəsi ilə Seulun 2018-ci il razılaşmasını qismən dayandırmasına cavab olaraq qəbul edilib.
"Qeyd olunan sənəd 1953-cü il atəşkəs sazişi ilə birlikdə Koreya yarımadasında sabitliyin qorunmasında və silahsızlaşdırılmış zonada böyük münaqişəyə çevrilə biləcək silahlı insidentlərin qarşısının alınmasında mühüm rol oynayır" - rusiyalı diplomat vurğulayıb.