Azərbaycan qrupları Kahramanmaraşda 53 nəfəri xilas edib- ÖZƏL

Olaylar.az xəbər verir ki, Azərbaycanın axtarış-xilasetmə qrupları "Əsrin fəlakəti" olaraq xarakterizə edilən Kahramanmaraş mərkəzli zəlzələdə dağıntılar altında qalan 53 nəfəri xilas edib. Azərbaycan Fövqəladə Hallar Nazirliyindən verilən məlumata görə, Kahramanmaraşda dağıntılar altında qalan qrupların axtarış-xilasetmə işləri davam edir. Qruplar dağıntılar altında qalan 53 nəfəri xilas edib, 691 nəfərin cansız cəsədini tapıb. Nazirlikdən bildirilib ki, Azərbaycan komandaları işlərini fasiləsiz davam etdirirlər.