Fransa kəşfiyyatı Mərakeş-Fransa yarımfinalından sonra XƏBƏRDARLIQ EDİB - ÖZƏL

Olaylar.az xəbər verir ki, Fransa kəşfiyyatı bu gün axşam saatlarında 2022 FIFA Dünya Çempionatının yarımfinalında Mərakeş-Fransa matçından sonra ifrat sağçıların küçələrə çıxaraq zorakılığa əl ata biləcəyi ilə bağlı xəbərdarlıq edib.

Fransa Daxili Kəşfiyyat Birliyinin xəbərinə görə hesabdan asılı olmayaraq, Mərakeş-Fransa matçının sonunda mərakeşli azarkeşlərin böyük qruplar halında küçələrə axışaraq komandalarını qeyd edəcəkləri bildirilib.

Mərakeş Milli Komandası "panarabizm" simvoluna çevrildiyi halda, Fransanın fəhlə məhəllələrində azarkeşlər daha çox Mərakeş komandasının nailiyyətlərinə köklənib. Fransız mətbuatında ifrat sağa yaxın hesabların sosial mediada Mərakeş və Fransa arasında sivilizasiya qarşıdurmasından bəhs etdiyi və sağçı qrupların küçələrdə xaosa səbəb ola biləcəyi xəbərləri var idi. Bundan əlavə, "Strasburq cinayətkarı" adlı neonasist qrupun matçdan sonra "asayişi bərpa etmək" bəhanəsi ilə Strasburq küçələrinə çıxmağa hazırlaşdığı bildirilir. Fransanın Korsika adasında bəzi ada sakinlərinin zəfəri qeyd edən Mərakeş tərəfdarlarına hücum etdiyi iddia edilir. Dekabrın 10-da iddiaya görə 10-a yaxın Korsikalı gənc millətçi "ərəblər çölə" qışqıraraq, yoldakı avtomobilləri təpikləyərək ziyan vurub. Digər tərəfdən, yarımfinal matçı səbəbiylə Fransa daxilində 10 min təhlükəsizlik qüvvəsi vəzifə yerinə yetirəcək.