Avropa İttifaqı bu günə qədər Kiyevə nə maliyyə ayırıb?- ÖZƏL

Olaylar.az xəbər verir ki,2014-cü ildən bəri Aİ Kiyevi 90 milyard avroya maliyyələşdirib, 2023-cü ildə daha 18 milyard avro gözlənilir. 

Avropa Komissiyasının sədri Ursula fon der Leyen 2014-cü ildən Avropa İttifaqının Ukraynaya 90 milyard avro maliyyə yardımı ayırdığını , gələn il Kiyevin daha 18 milyard avro alacağını bildirib. Fon der Leyen aydınlaşdırıb ki, 18 milyard avro 12 aya bölünəcək, yəni Kiyev hər ay 1,5 milyard avro alacaq.Pul güzəştli kreditlər şəklində ayrılacaq.

Bundan əvvəl məlum olub ki, Aİ ölkələrinin daimi nümayəndələri 2023-cü ildə Ukraynaya 18 milyard avro ayrılmasını yekdilliklə təsdiqləyiblər .

Avropa İttifaqı Şurasında aydınlaşdırıldığı kimi  , bu qısamüddətli kredit yardımı Ukraynanın təcili ehtiyaclarını maliyyələşdirmək, kritik infrastrukturunu bərpa etmək və ilkin olaraq ölkəni Avropaya inteqrasiya yolunda dəstəkləmək üçün nəzərdə tutulub.