Odun istifadəsinə dair ən qədim sübutlar ortaya çıxdı- ÖZƏL

Olaylar.az xəbər verir ki, arxeoloqlar yemək bişirmək üçün odun istifadəsinə dair ən qədim sübutlar tapıblar. Qədim  insanlar ilk dəfə ən azı 780.000 il əvvəl odda yemək bişiriblər. Alimlərin işinin nəticələri Nature Ecology and Evolution jurnalında dərc olunub.Onların fikrincə, yemək bişirmək insan təkamülündə əsas addım idi və qədim hominidlərə sərt, çiy yeməkləri çeynəməyə və həzm etməyə daha az vaxt sərf etməyə imkan verdi. Bu, beynin inkişafı üçün təkan oldu. 

İnsanların təxminən 170 min il əvvəl oddan yemək bişirmək üçün istifadə etməyə başladığına inanılırdı. Ancaq yeni bir tapıntı bu tarixi geri itələyib.  Tədqiqatçılar axtarış nəticəsində  böyük balığın yanmış dişlərini tapıblar. Məlum olub ki, balıq bişmək üçün aşağı temperatura məruz qalıb. Həmin ərazidə alimlər yanmış daşlar və əvvəllər burada ocaq olduğuna dair digər sübutlar da tapıblar.