Üç ölkə rusların ölkəyə girişini məhdudlaşdırmaq barədə razılığa gəliblər

Olaylar. Az xəbər verir ki, Latviya, Litva və Estoniya rusların quru sərhədləri vasitəsilə ölkəyə girişini məhdudlaşdırmaq barədə razılığa gəlib.
Bu barədə Latviyanın xarici işlər naziri Edqar Rinkeviç öz Tvitter səhifəsində yazıb.

O qeyd edib ki, Baltikyanı ölkələrin hökumətləri yaxın günlərdə yeni məhdudiyyətlərin tətbiqi barədə məlumat verəcəklər.

"Qərarlar milli hökumətlər tərəfindən milli prosedurlara uyğun olaraq qəbul ediləcək və eyni zamanda qüvvəyə minəcək", - deyə Rinkeviç bildirib.

Onun sözlərinə görə, diplomatlar, yük maşını sürücüləri, eləcə də humanitar və ailəvi səbəblərlə daxil olan vətəndaşlar üçün istisnalar olacaq.
Sentyabrın 2-də Estoniyanın müdafiə naziri Hanno Pevkur bəyan edib ki, ölkə Latviya və Litva ilə birlikdə Rusiya ordusunun Ukraynadakı hərəkətlərinə cavab olaraq quruda, havada və dənizdə müdafiəsini gücləndirmək niyyətindədir.