İldırım vurdu, 20 nəfər öldü

Hindistanın şərqindəki Bihar ştatında son 24 saat ərzində ildırım vurması nəticəsində 20 nəfər həlak olub.

Olaylar.az xəbər verir ki, ştat rəhbərliyi yaxın günlərdə sakinləri açıq havada az vaxt keçirməyə çağırıb.

Hidrometeoroloqlar növbəti iki gün ərzində musson yağışları ilə bərabər şimşəklərin davam edəcəyini proqnozlaşdırıb.

Qeyd olunur ki, hər il Hindistanda musson mövsümündə ildırım vurmadan yüzlərlə ölüm baş verir.

Ölkədə 2020-ci ilin apreli ilə 2021-ci ilin mart ayları arasında 18 milyon ildırım vurma faktı qeydə alınıb.

mənbə: Trend