Beyninə çip yerləşdirilən milçəkləri məsafədən idarə etmək mümkün oldu - VİDEO

Olaylar.az Oxu.az-a istinadən xəbər verir ki,  "knife.media"-nın məlumatına görə, ABŞ-ın Rays Universitetinin alimləri milçəklərin beyninə istilik sensorları daxil edib və bunun sayəsində həşəratları uzaqdan idarə etməyi bacarıblar.

Milçəklər aldıqları əmrləri bir saniyə ərzində yerinə yetiriblər.

Məlumata görə, milçəklərin beyin neyronlarına yerləşdirilən istilik sensorları gen mühəndisliyi yolu ilə hazırlanıb. Onlar bir növ temperatur dəyişikliklərinə cavab verən ion kanallarıdır. Sensorlar istilik siqnallarını aldıqda, neyronlar fəallaşaraq milçəklərin qanadlarını açmasına səbəb olub.

Alimlərin sözlərinə görə, təcrübələrin nəticələri insanlardakı nevroloji pozğunluqları dəqiq və heç bir əməliyyat olmadan müalicə etməyə kömək edəcək.