Hindistanda avtobus çaya aşıb, ölənlər var

Hindistanın mərkəzində yerləşən Madhya-Pradeş ştatında sərnişin avtobusunun Narmada çayına düşməsi hadisəsi nəticəsində azı 13 nəfər həlak olub.
Olaylar.az xəbər verir ki, NDTV telekanalının məlumatına görə, qəzaya uğrayan avtobusdakı 15 nəfər xilas edilib. Qəzanın səbəbləri araşdırılır. İlkin məlumata görə, sürücü yolun mürəkkəb hissəsində idarəetməni itirib. Rayon administrasiyanın bir qrup məmuru hadisə yerinə gəlib, yaralılara lazımı yardımlar göstərilməsi üçün tapşırıq verilib.