ABŞ prezidenti Donald Tramp BMT Baş Assambleyasının 73-cü sessiyasında iştirak etmək üçün Nyu-Yorka gedib.

Bu barədə Trampın sosial şəbəkələr üzrə komandasının direktoru Den Skavino bildirib.

"Prezident Tramp Nyu-Yorka, BMT Baş Assambleyasına gəlib", - deyə o, "Twitter"-də yazıb.

Bundan əvvəl Ağ Evdən Trampın BMT Baş Assambleyasının iclasında Cənubi Koreya, Yaponiya, Misir, İsrail, Fransa və Britaniya liderləri ilə görüşəcəyi xəbər verilib.

Prezidentin iş qrafikinə əsasən o, sentyabrın 25-də BMT Baş Assambleyasının plenar iclasında çıxış edəcək. Tramp özü beynəlxalq təşkilatda İran üzrə iclasa rəhbərlik edəcəyini bildirib.