Terrorçular polisləri oğurlayıb qətlə yetirdilər

Hindistanda bir qrup silahlı şəxs polisləri oğurlayaraq qətlə yetirib.

Olay ölkənin şimalındakı Cammu və Kəşmir ştatında baş verib. Məlumata görə, yaraqlılar Şopian dairəsində 4 polisin evinə soxularaq onları oğurlayıblar. Bir neçə saat sonra 3-nün cəsədi tapılıb, birini azad etmək mümkün olub. Ölkənin DİN nümayəndəsi yerli kanalda çıxışı zamanı bildirib ki, hakimiyyət terrorçuları təzyiq altında saxlayır, onlar çox şey edə bilmirlər:

"Düşünürəm ki, onlar öz məyusluqlarının əvəzini polislərin evlərinə hücum edərək çıxırlar".

Yerli məmurlar da eyni fikirdə olduqlarını, hücumun hakimiyyətin hərəkətlərinə cavab olduğunu bildirirlər.

"Qafqazinfo"