İspaniya hökuməti elektrik enerjisi istehsalına qoyulan vergini ləğv edəcək

İspaniyanın ekoloji dəyişikliklər naziri Teresa Ribera Deputatların Konqresində bildirib ki, hökumət 2012-ci ildə təsdiq edilmiş elektrik enerjisi istehsalına qoyulmuş 7 faizli vergini ləğv edəcək.

İcra hakimiyyətlərinin əsas məqsədlərindən biri son aylar kəskin şəkildə artan elektrik enerjisi üçün hesabların azaldılması olacaq. Nazirin sözlərinə görə, yaxın 6 ay ərzində enerji yoxsulluğuna qarşı mübarizə planı işlənib hazırlanacaq.

T.Ribera deyib ki, İspaniya enerjinin böyük hissəsini topdansatış bazarlarında əldə edən az sayda Avropa ölkələrindən biridir.

AZƏRTAC