Slovakiyada tank qəzası, ABŞ hərbçiləri yaralandılar

Slovakiyada keçirilən hərbi təlimlər zamanı qəza baş verib.

Beynəlxalq "Slovatskiy şit - 2018" təlimi zamanı ABŞ-a məxsus "Abrams" tankı aşıb. Bu barədə Slovakiya MN-nin nümayəndəsi Danka Çapakova məlumat verib. Onun sözlərinə görə, hadisə zamanı biri qadın olmaqla 3 ABŞ hərbçisi xəsarət alıb. Onlardan 2-sinin vəziyyətinin ağır olduğu bildirilir. 

Çapakova onu da qeyd edib ki, qəzanın araşdırılması ilkin mərhələdədir və yaralılar Slovakiya hərbçisi olmadıqlarına görə insidentlə bağlı hazırda ətraflı məlumat vermək mümkün deyil.

"Qafqazinfo"