"İsrail əsgərləri rus zabitlərini qurban verdi" - Rus senator

Rusiya son insidentdən sonra havadan müdafiə sistemlərinin modernləşdirilməsi, əlavə elementlərin tətbiqi ilə bağlı qərarlar qəbul edə bilər.

Bu sözləri rusiyalı senator Frants Klintseviç İl-20 təyyarəsinin vurulması olayı ilə bağlı açıqlamasında deyib.

"İsrail hərbçiləri olduqca utancverici tərzdə davrandılar. Onlar gənc rus zabitlərinin həyatlarının arxasında gizləndilər", - deyə senator bildirib.

Qeyd edək ki, Rusiyanın İl-20 hərbi təyyarəsini Suriyanın hökumət qüvvələrinə məxsus hava hücumundan müdafiə sistemləri vurub. Rusiya bunda Suriyanı vuran İsrail qırıcılarının Rusiya təyyarəsinin yaxınlığında "gizlənməsini" səbəb kimi göstərib.

axar.az