Sosial

Kamal Abdullanın qolu sındı

1 Mart 2018 12:59

240 min adamın maaşı artdı

1 Mart 2018 12:38

Təhsil Nazirliyi Prezidentin sərəncamı ilə əməkhaqları artırılan təhsil işçilərinin sayını açıqlayıb. Nazirliyin mətbuat xidmətindən  verilən məlumata görə, Azərbaycan Prezidenti İlham Əliyevin “Təhsil müəssisələrində çalışan işçilərin əməkhaqlarının artırılması haqqında” 28 fevral 2018-ci il tarixli sərəncamı orta hesabla 240 min təhsil işçisinə şamil edilir.

Masallıda 32 min əhalinin yaşadığı kəndlərin yolları yenidən qurulur

1 Mart 2018 12:28

Masallı rayonunda 2 istiqamət üzrə kəndlərarası avtomobil yolları əsaslı şəkildə yenidən qurulur. Avtomobil Yolları Dövlət Agentliyindən “OLAYLAR”-a bildirilib ki, söhbət ümumi uzunluqları 24.7 km olan Şatıroba-Hişkədərə-Miyankü-Kubin və Birinci Səmədxanlı-Xallıcalı-Əminli-Məmmədxanlı avtomobil yollarından gedir. Uzun müddət əsaslı şəkildə təmir olunmayan yolların yenidən qurulmasında məqsəd yol boyu 22 yaşayış məntəqəsində yaşayan 32 min nəfər əhalinin gediş-gəlişini təmin etmək, M3 Bakı-Ələt-Astara-İran İslam Respublikası ilə dövlət sərhədi avtomobil yoluna rahat çıxış əldə olunmaqla yük və sərnişin daşımasını asanlaşdırmaqdır.

Bakıda I sinfə getmək üçün 35 000 uşaq müraciət edib

1 Mart 2018 12:21

2018-2019-cu tədris ili üçün elektron sistem (mektebeqebul.edu.az) vasitəsilə paytaxt məktəblərinin I sinfinə qəbul üçün indiyədək 35 000-ə yaxın sorğu yerləşdirilib. Bu barədə Bakı Şəhər üzrə Təhsil İdarəsinin sektor müdiri Bəşarət Məmmədov məlumat verib. Onun sözlərinə görə, bu göstərici paytaxtdakı dövlət ümumi təhsil müəssisələrinin I sinfinə şagird qəbulu proqnozunun təxminən 70 faizindən çoxdur. B.Məmmədov deyib ki, hazırda I sinfə qəbulla bağlı elektron sistemin işində heç bir problem yoxdur və valideynlər asanlıqla sistemə daxil olaraq, sənəd qəbulu üçün müraciət də bilərlər.

Professor: "Bu il kəskin respirator virus və qrip epidemiyası sürətlə yayılıb”

1 Mart 2018 12:14

“Bu il payız-qış mövsümündə Bakı şəhəri və rayonlarda kəskin respirator virus və qrip epidemiyası sürətlə yayılıb”. Məlumata görə, bunu Azərbaycan Tibb Universitetinin (ATU) II uşaq xəstəlikləri kafedrasının professoru Surxay Musayev “1 mart İmmunitet günü”nə həsr olunmuş tədbirdə deyib. 

Direktor zorla qaçırılan qızdan danışdı: “Anaya cavab verilməlidir”

1 Mart 2018 12:03

Ağcabədidə 4 gündür maşının şüşələri sındırılaraq qaçırılan Sevinc Musayeva hələ də tapılmayıb.  Bunu  Azərbaycan Dövlət Pedaqoji Universitetinin Ağcabədi filialının direktoru Mətanət Fərzəlibəyova Sevinc Musayevanın qaçırılmasından danışarkən deyib. Onun sözlərinə görə, hüquq-mühafizə orqanlarının axtarışları heç bir fayda verməyib: “Sevinc onu qaçıran oğlanı sevmir, onunla ailə qurmaq istəmir.

Gürcüstana maşını ilə gedənlərin nəzərinə — Əlavə pul ödəyəcəksiniz

1 Mart 2018 11:56

Gürcüstan hökuməti ölkədə xarici nömrə ilə gəzən maşınlarla bağlı yeni qərar qəbul edib. Mart ayının birindən 15 gündən az olmayaraq qalmağı planlaşdıran xarici nömrəli avtomobil sahibləri nəqliyyat vasitələrini sığortalamalı olacaqlar. Sığortanın qiyməti nəqliyyat vasitəsindən və sığorta müddətindən asılı olacaq.

Gözəllik salonunda qadınların davası

1 Mart 2018 11:52

Suraxanı rayonu, Əmircan qəsəbəsində yerləşən gözəllik salonlarının birindən polisə şikayət daxil olub. Məlumata görə, Mehriban Nurəddin qızı İsmayılova 31-ci Polis Bölməsinə şikayət edərək bildirib ki, gözəllik salonunda işləyən Ruhiyyə Səməndər qızı Hüseynova onu döyüb.

Qida Təhlükəsizliyi Agentliyi maarifləndirmə aksiyalarına start verir

1 Mart 2018 11:33

Martın 1-dən Azərbaycan Respublikasının Qida Təhlükəsizliyi Agentliyi əhali arasında genişmiqyaslı və uzunmüddətli maarifləndirmə aksiyalarına start verib. Bu barədə məlumat “OLAYLAR”-a Agentlikdən verilib. Bildirilib ki, Agentlik “5 addımda Qida Təhlükəsizliyi”, “Qida zəncirinin halqaları”, “Uşaqlar üçün yemək çantasının hazırlanma qaydaları” başlıqlı sosial məsuliyyət layihələri həyata keçirəcək. Layihənin məqsədi hər yaş qrupundan olan qida məhsulu istehlakçılarına qida təhlükəsizliyi anlayışını izah etmək, Azərbaycan gələcəyinin təməli hesab edilən azyaşlı uşaqlara ilkin gigiyena norma və qaydalarını aşılamaqdan ibarətdir.