Sosial
Ukraynada 20 Yanvar faciəsinin qurbanları yad edilib
Kiyev şəhərində Ukrayna Azərbaycanlıları Birləşmiş Diasporunun ofisində 20 Yanvar faciəsinin 29-cu ildönümü ilə bağlı tədbir keçirilib. “OLAYLAR” xəbər verir ki, Kiyev Azərbaycanlıları Konqresinin Kiyev şəhər təşkilatı, Ukrayna Azərbaycanlıları Birləşmiş Diasporu və Birləşmiş Ukrayna Azərbaycanlıları Konqresinin birgə təşkil etdiyi tədbirdə Ukrayna rəsmi dairələrinin nümayəndələri, bu ölkədəki Azərbaycan diasporunun rəhbərləri və fəalları, hər iki ölkənin tanınmış elm və mədəniyyət nümayəndələri, eləcə də yerli və xarici mətbuatın təmsilçiləri iştirak edib.
.jpg)
Energetika Nazirliyində 20 Yanvar faciəsinin 29-cu ildönümü anılıb
Azərbaycan Respublikasının Energetika Nazirliyində 20 Yanvar faciəsinin 29-cu ildönümü münasibətilə anım mərasimi keçirilib. Nazirliyin mətbuat xidmətindən “OLAYLAR”-a bildirilib ki, mərasim Azərbaycanın müstəqilliyi və ölkəmizin ərazi bütövlüyü uğrunda canlarını qurban vermiş qəhrəman vətən övladlarının xatirəsinə bir dəqiqəlik sükutla başlanıb. Daha sonra çıxış edən energetika nazirinin müavini Samir Vəliyev 29 il əvvəl Azərbaycanın azadlığı, suverenliyi arzusu ilə ayağa qalxmış dinc insanlara qarşı Sovet imperiyasının silahlı birləşmələrinin törətdiyi cinayətlərdən danışaraq, 20 Yanvar hadisəsini milli tariximizin qəhrəmanlıq səhifələrindən biri kimi qiymətləndirib.
Məktəblilər arasında bilik yarışması keçirilib
Paytaxt məktəbliləri arasında “Gənc istedadlar” breyn-rinq bilik yarışının ikinci mərhələsi keçirilib. “OLAYLAR” xəbər verir ki, bilik yarışının təşkil olunmasının əsas məqsədi şagirdlərin müxtəlif sahələr üzrə istedad və qabiliyyətinin, dünyagörüşünün, intellektual səviyyəsinin, müzakirə, təhliletmə, nitq, özünü təqdimetmə, kollektivi təmsiletmə qabiliyyətinin inkişafı və İKT-dən istifadə bacarıqlarının üzə çıxarılmasından ibarətdir.
