Sabirabadda sağlam həyat tərzinin təbliği üçün yeni imkanlar yaranıb - ÖZƏL

"Sabirabad rayonunda fəaliyyət göstərən Mərkəzi stadionun suvarma sistemi qurulub, 100 tonluq su hovuzu tikilib, 56 ton və 6 atmosfer gücü olan su motoru  quraşdırılıb və 45 metr diametri suvara bilən su başlığı qoşulub". "Olaylar" xəbər verir ki, bu barədə Sabirabaddan olan millət vəkili Kamal Cəfərov məlumat verib. Nildirib ki, stadionun ətrafında qaçış və velospied sürmək üçün 5 metr enində, 500 metr uzunluğunda dairəvi asfalt örtüyü salındı və xətləndi: "Bununla da Sabirabadda həm futbolun inkişafı həm də sağlam həyat tərzinin təbliği üçün yeni imkanlar yarandı. Çox qısa zaman çərçivəsində Mil-Muğan regional gənclər və idman idarəsi tərəfindən regional futbol və qaçış yarışları təşkil ediləcək. Suvarma sisteminin qurulmasına göstərdiyi dəstəyə görə xeyirxah sahibkarlara və 2500 kvadrat metr asfalt örtüyünün salınmasına görə də Azərbaycan Avtomobil Yolları Dövlət Agentliyinin İH-nin sədri Saleh Məmmədova minnətdarlığımı bildirirəm. Eyni zamanda daim bizimlə birgə olan və bu prosesə töfhə verən Sabirabad rayon İcra Hakimiyyətinin başçısı Siraqəddin Cabbarova, Mil-Muğan regional gənclər və idman idarəsinin rəisi Nadir Quliyevə və YAP-ın Sabirabad rayon təşkilatının sədri Varis Rüstəmova təşəkkürümü bildirirəm".