Aysun İsmayılova nişanlısı ilə necə tanış olduğundan danışdı: “Gördüm, kepkalı bir oğlan oturub”

Rəqsanə İsmayılovanın qızı Aysun İsmayılova nişanlısı Eşqinlə necə tanış olduqları haqda danışıb.

Olaylar.az bildirir ki, Aysun bu barədə "Tarixin bir günü" verilişində danışıb.

"Eşqin anamgillə beş ildir, dost idi, ancaq mən onu tanımırdım. Sən demə, Eşqin məni bilirmiş, görüb, bəyənib. Hətta qayınanama da göstərib ki, "Bax, müğənni olsa da, nə şirin qızdır". Qayınanam da, qayınatam da bəyəniblər. Eşqin anam ilə görüşmək üçün bizim restorana gəlmişdi. Mən də restoranın kabinetində oturub "TikTok"a baxırdım. Birdən anam qışqırdı ki, "ay Aysun, gəl, Eşqin gəlib, gəl salamlaş onunla". Mən də vecimə almadım. Sonra durdum çay içməyə. Otaqdan çıxdım ki, zala keçim. Gördüm, kepkalı bir oğlan oturub. Elə oğlanı gördüm, dondum qaldım ilk görüşdən".

oxu.az