Azərbaycanda COVID-19 əleyhinə peyvənd olunanların sayı açıqlanıb

Azərbaycanda son sutkada koronavirus (COVID-19) əleyhinə 5 150 vaksin vurulub.

Olaylar.az bildirir ki, Nazirlər Kabineti yanında Operativ Qərargahdan Trend-ə verilən məlumata görə, bir gündə birinci mərhələ üzrə vaksinasiya olunanların sayı 695, ikinci mərhələ üzrə vaksinasiya olunanların sayı 377, üç və daha çox doza üzrə vaksinasiya olunanların sayı 3 724, pozitiv nəticədən sonra buster doza üzrə vaksinasiya olunanların sayı 354 nəfərdir.

Vurulan vaksinlərin ümumi sayı 13 632 746, birinci mərhələ üzrə vaksinasiya olunanların ümumi sayı 5 338 299, ikinci mərhələ üzrə vaksinasiya olunanların sayı 4 838 834, üç və daha çox doza üzrə vaksinasiya olunanların sayı 3 216 688, pozitiv nəticədən sonra buster doza üzrə vaksinasiya olunanların sayı isə 238 925 nəfər təşkil edir.