4.900 məhkuma elektron qolbaq tətbiq edilib

Məhkəmə qərarlarının icrasına maneçilik törədən, icra məmurlarının qanuni tələblərini yerinə yetirməyən 5.700-dək şəxs inzibati məsuliyyətə cəlb edilib. Ədliyyə Nazirıiyindən "Olaylar"a bildirilib ki,  3.300-dən çox nəfər inzibati qaydada həbs olunub. Görülmüş məcburi icra tədbirləri nəticəsində aliment, pul tələbi və digər ödəmələr üzrə məhkəmə qərarlarını icra etmiş 2.600-dən artıq borclunun üzərindən ölkəni tərk etmək məhdudiyyəti götürülüb. Cəzalara məhkum olunmuş şəxslərə 4.900-ə yaxın elektron qolbaq tətbiq edilib. Nazirlik tərəfindən ədalət mühakiməsi əleyhinə, o cümlədən məhkəmə qərarlarının icra olunmaması və digər cinayətlərlə bağlı 540-dək cinayət işi üzrə ibtidai istintaq tamamlanıb, bu zaman fiziki və hüquqi şəxslərə vurulmuş 2,6 milyon manat məbləğində ziyan istintaqın gedişində ödətdirilib.