Jurnalistlərlə bağlı Operativ Qərargahla DANIŞIQLAR APARILIR

"Azərbaycan Mətbuat Şurası əmək müqaviləsi olmadan, xidməti müqavilə əsasında çalışan jurnalistlərlə bağlı Nazirlər Kabineti yanında Operativ Qərargahla danışıqlar aparıb".

Bu barədə Mətbuat Şurasının sədri Əflatun Amaşov qeyd edib:

"Fəaliyyətinə icazə verilən sahələr sırasında kütləvi informasiya vasitələri də yer alıb. KİV-lərin tələb olunan əməkdaşlarının hərəkətinə, onlar barəsində məlumatların "icaze.e-gov.az" portalına daxil edildikdən sonra yol verilir. Hər bir KİV-in bu qaydaya əməl etməsi şərtdir. O da məlumdur ki, Azərbaycanda əmək müqaviləsi olmadan, xidməti müqavilə əsasında çalışan jurnalistlər var. Onlar müxtəlif KİV-lər üçün materiallar hazırlayır və bu yolla həyatlarını təmin edirlər. Ölkəmizdəki bütün növ KİV-lərdə bu hüquqi əsasla çalışan şəxslər var. Belələrinin də gündəlik işə gəlib-getməsi üçün zərurət yaranır. Azərbaycan Mətbuat Şurası bütün bunları nəzərə alaraq, Nazirlər Kabineti yanında Operativ Qərargahla müvafiq danışıqlar aparıb. Ümüd edirik ki, məsələ tezliklə müsbət həllini tapacaq".

APA.az