İnsan alveri ilə bağlı 4 cinayətkar qrup zərərsizləşdirilib

2019-cu ildə insan alveri cinayətlərinin aşkarlanması və təqsirkar şəxslərin məhkəmə məsuliyyətinə verilməsi sahəsində məqsədyönlü iş aparılıb. Həyata keçirilən tədbirlər nəticəsində 186 insan alveri, o cümlədən 4 məcburi əmək, habelə insan alveri məqsədilə sənədlərlə qanunsuz hərəkətlərlə əlaqədar 36 cinayət qeydə alınıb. "Olaylar" xəbər verir ki, bunu İnsan Alverinə qarşı Mübarizə Baş İdarəsinin rəisi Həzi  Aslanov parlament komitəsinin iclasında qeyd edib. Bildirib ki, hesabat ilində 10 nəfərdən ibarət 4 cinayətkar qrup zərərsizləşdirilib. Müəyyən edilmiş 91 insan alveri qurbanından 89-u Azərbaycan vətəndaşıdır, 2-i əcnəbidir. Zərərçəkənlərə tibbi, psixoloji, hüquqi yardımlar göstərilib.