Azyaşlı uşağı qarət etdilər

Paytaxt Bakıda azyaşlı uşağı  küçədə qarət edilib.

Paytaxt Bakıda azyaşlı uşağı  küçədə qarət edilib. "Olaylar" xəbər verir ki, hadisə paytaxtın Nərimanov rayonu Molla Cümə küçəsində baş verib. 2008-ci il təvəllüdlü V.Mikayılov küçədə naməlum şəxsin hücumuna məruz qalıb. Naməlum şəxs azyaşlını hədələyərək cibindən mobil telefonunu götürüb hadisə yerindən qaçıb.

Nərimanov Rayon Polis İdarəsinin 18-ci Polis Şöbəsi əməkdaşlarının keçirdiyi əməliyyat tədbirləri nəticəsində hadisəni törətməkdə şübhəli bilinən Naftalan rayon sakini 2002-ci il təvəllüdlü B.Məmmədov saxlanılıb. Ətrafında aparılmış əməliyyat tədbirləri ilə onun aprelin 21-də, Bakı şəhər sakini B.Əzizova məxsus Nərimanov rayonu Ə.Vahid küçəsindəki mağazanın kassasından pul oğurladığı müəyyən olunub. Faktla bağlı araşdırma aparılır.