Sumqayıt Kimya Sənaye Parkının rezidenti dezinfeksiya tunelinin istehsalına başlayıb

Sumqayıt Kimya Sənaye Parkının rezidenti "STP" MMC və SmartHome şirkəti dezinfeksiya tunelinin birgə istehsalına başlayıb. İqtisadiyyat Nazirliyindən "Olaylar"a verilən məlumata görə, "Elsmart" brendi ilə istehsal  olunan bu avadanlığın elektron sistemi SmartHome, konstruksiyası STP-nin Elektrik Avadanlıqları Zavodunda hazırlanır. Bu dezinfeksiya tunellərindən yalnız pandemiya dövründə deyil,  həmçinin  mövsümi bakteriya və virusların  profilaktikası, habelə gələcəkdə yaranacaq yoluxucu xəstəliklərin qarşısını almaq üçün istifadə oluna bilər. Dezinfeksiya tunellərinin  həm yerli, həm də xarici bazarlara satışı nəzərdə tutulur.