Milli Kitabxananın direktoru: "Saytlardakı xəbərləri arxivləşdirmək lazımdır"

"Saytlarda, mətbuat orqanlarında yer alan xəbər və məlumatları arxivlərdirmək lazımdır".

Bunu AMEA-nın Mərkəzi Milli Kitabxanasının (MEK) direktoru Leyla İmanova "AXC-100 işığında MEK-in Milli Mətbuat İnformasiya blokuna töhfəsi" adlı tədbirdə deyib.

O, saytların arxivlərinin MEK-lə birləşdirilməsini təklif edib. Direktorun sözlərinə görə, bəzi saytların yaddaş imkanı az olur: "Müəyyən müddət keçdikdən sonra köhnə materiallar oradan silinir, müəlliflər və ya oxucular istədiyi hər hansı bir yazını tapa bilmirlər. Bu səbəbdən təklif edirəm ki, fondlarımızı birləşdirək".