BDU-da “Okupasional terapiya” fənninin tədrisinə başlanılacaq
Bakı Dövlət Universiteti ilə UAFA - uşaqlara dəstək təşkilatı arasında memorandum imzalanıb. Universitetdən “Olaylar” – a bildirilib ki, memorandumu Bakı Dövlət Universitetinin rektoru, akademik Abel Məhərrəmov və UAFA uşaqlara dəstək təşkilatının təsisçisi Qven Börçell imzalayıb. İmzalanmadan əvvəl BDU-nun rektoru, akademik Abel Məhərrəmov UAFA haqqında məlumat verib, təşkilatın fəaliyyətini yüksək qiymətləndirib, görülən işlərdən, həyata keçirilən layihələrdən, Bakı Dövlət Universiteti ilə işbirliyindən danışıb.
Bakı Dövlət Universiteti ilə UAFA - uşaqlara dəstək təşkilatı arasında memorandum imzalanıb. Universitetdən "Olaylar" - a bildirilib ki, memorandumu Bakı Dövlət Universitetinin rektoru, akademik Abel Məhərrəmov və UAFA uşaqlara dəstək təşkilatının təsisçisi Qven Börçell imzalayıb. İmzalanmadan əvvəl BDU-nun rektoru, akademik Abel Məhərrəmov UAFA haqqında məlumat verib, təşkilatın fəaliyyətini yüksək qiymətləndirib, görülən işlərdən, həyata keçirilən layihələrdən, Bakı Dövlət Universiteti ilə işbirliyindən danışıb. UAFA-nın təsisçisi və rəhbəri Qven Börçell, öz növbəsində, universitetin Sosial elmlər və psixologiya fakültəsi ilə əməkdaşlıqdan bəhs edib, elm və təhsil sahəsində birgə əməkdaşlığın uğurla davam edəcəyinə əminliyini ifadə edib. Sonra Bakı Dövlət Universiteti ilə UAFA arasında gələcəkdə beynəlxalq əlaqələri inkişaf etdirmək məqsədilə elm və təhsil sahəsində memorandum imzalanıb. Müqavilənin şərtlərinə əsasən, Bakı Dövlət Universitetinin Sosial elmlər və psixologiya fakültəsində "Okupasional terapiya" fənni tədris olunacaq. Psixologiya ixtisası üzrə təhsil alan 3-cü kurs tələbələrinə tədris olunacaq dərslər mühazirə və praktiki formada olmaqla həftədə 2 dəfə Erqoterapiya üzrə mütəxəssis Tammie Lenert tərəfindən keçiriləcək.
Sağlamlıq imkanları məhdud olan uşaqların ailələri ilə işin təşkili, uşağın xüsusiyyətləri nəzərə alınaraq necə işləməyin bilik və bacarıqları da öyrədiləcək. 60 saatlıq kursun nəticəsində okupasional terapiyaya yanaşmalar, autizm, daun sindromu, serebral iflic, erqoterapiyanın öyrənilməsi və cəmiyyətdə bu cür xəstəlikləri olan uşaqların inteqrasiyasına yönəlmiş psixoloji işin metodikasının təşkili məsələləri təqdim ediləcək.