Humanitar Elmlər Bölməsinin Ümumi yığıncağı

İyulun 11-də AMEA – nın Humanitar Elmlər Bölməsinin Ümumi yığıncağı keçirilib. Akademiyadan “Olaylar” – a bildirilib ki, tədbirdə AMEA-nın vitse-prezidenti, akademik İsa Həbibbəyli, bölmə  üzvləri, elmi müəssisələrin rəhbərləri və əməkdaşları iştirak ediblər.

İyulun 11-də AMEA - nın Humanitar Elmlər Bölməsinin Ümumi yığıncağı keçirilib. Akademiyadan "Olaylar" - a bildirilib ki, tədbirdə AMEA-nın vitse-prezidenti, akademik İsa Həbibbəyli, bölmə  üzvləri, elmi müəssisələrin rəhbərləri və əməkdaşları iştirak ediblər.
İclası giriş sözü ilə açan akademik İsa Həbibbəyli gündəlikdəki məsələlər haqqında iştirakçılara məlumat verib. Elmi-təşkilati məsələlərdən ilk olaraq HEB-in yeni tərkibi müzakirə edilib. Bölmə yeni tərkibinin təsdiqi və büro üzvlərinin təyin olunması ilə bağlı Rəyasət Heyəti qarşısında vəsatət qaldırılmasını qərara alıb.
Gündəlikdə yer alan növbəti məsələ HEB-ə daxil olan elmi müəssisələrin 2017-ci ilin I yarımil­li­yin­də­ki elmi və elmi-təşkilati fəaliyyətləri haqqında olub. Hesabat məruzəsi ilə çıxış edən bölmənin akademik-katibi, akademik Teymur Kərimli cari ilin ilk altı ayı ərzində elmi müəssisələrdə görülmüş elmi və elmi-təşkilati işlərdən bəhs edib. 
Tədbirdə Ədəbiyyat və Dilçilik institutlarının Elmi şuralarının tərkiblərində də­yi­şik­lik edilməsi, həmçinin Ədəbiyyat və Əlyazmalar institutlarının bir neçə doktorant və dissertantına təhsillərində möhlət verilməsi haqqında qərarlar qəbul olunub.
Akademik Vasim Məmmədəliyevin 75 illik yubileyinin qeyd olunması haqqında müzakirələr aparılıb.