Xarici rektor erməni özbaşınalığından danışdı

“2 yaşlı körpənin öldürülməsi dünyanın harasında, hansı vəziyyətdə baş verməsindən asılı olmayaraq heç bir bəraəti olmayan cinayət faktıdır”. Bu sözləri Qərb Universitetinin rektoru professor Andris Leitas jurnalistlərə açıqlamasında Ermənistanın azərbaycanlı mülki əhalinin yaşadığı ərazini atəşə tutması nəticəsində 2 yaşlı Zəhranın həlak olması faktına münasibət bildirərkən deyib.

"2 yaşlı körpənin öldürülməsi dünyanın harasında, hansı vəziyyətdə baş verməsindən asılı olmayaraq heç bir bəraəti olmayan cinayət faktıdır". Bu sözləri Qərb Universitetinin rektoru professor Andris Leitas jurnalistlərə açıqlamasında Ermənistanın azərbaycanlı mülki əhalinin yaşadığı ərazini atəşə tutması nəticəsində 2 yaşlı Zəhranın həlak olması faktına münasibət bildirərkən deyib. Universitetdən "Olaylar" - a bildirilib ki, rektor bildirib ki, Ermənistan bütün beynəlxalq hüquq normalarını pozaraq, beynəlxalq təşkilatların qətnamələrinə baxmayaraq Azərbaycan torpaqlarını işğal altında saxlayır: "Zəhra da bütün həmyaşıdları kimi böyümək, təhsil almaq, xoşbəxt gələcəyə sahib olmaq hüququna malik idi. İşğal faktı uzandıqca, ədalətsizlik bu cür davam etdikcə, təəssüf ki, qurbanların olması təhlükəsi də qalmaqda davam edəcək. Çox acı doğuran faktdır ki, ermənilərin silahlı hücumları nəticəsində dinc sakinlərin həyatını itirməsi ilk dəfə baş verən hadisə deyil. Dünya birliyi bu məsələdə kəskin, birmənalı mövqe nümayiş etdirməli və Ermənistandan işğal etdiyi torpaqları boşaltmağı tələb etməlidir, regionda sülh yalnız ədalətin bərqarar olunmasından keçir".