10-dan artıq ölkənin akademikləri Azərbaycana gəlib
Avqustun 31-də “ICMSEM 2016” 10-cu beynəlxalq konfransın açılış mərasimi keçirilib. “OLAYLAR”-ın Təhsil Nazirliyinə istinadən verdiyi xəbərə görə, ikigünlük “İdarəetmə elmi və mühəndislik idarəetməsi” (“ICMSEM 2016”) konfransına dünyanın 10-dan çox ölkəsindən akademik səviyyədə nümayəndələr qatılıb. Tədbir iştirakçılarını salamlayan akademik Asəf Hacıyev konfransın işinə uğurlar arzulayıb.
31 Avqust 2016 16:25 SosialAvqustun 31-də "ICMSEM 2016" 10-cu beynəlxalq konfransın açılış mərasimi keçirilib. "OLAYLAR"-ın Təhsil Nazirliyinə istinadən verdiyi xəbərə görə, ikigünlük "İdarəetmə elmi və mühəndislik idarəetməsi" ("ICMSEM 2016") konfransına dünyanın 10-dan çox ölkəsindən akademik səviyyədə nümayəndələr qatılıb. Tədbir iştirakçılarını salamlayan akademik Asəf Hacıyev konfransın işinə uğurlar arzulayıb.
Konfransın açılış mərasimində təhsil naziri Mikayıl Cabbarov, AMEA-nın prezidenti Akif Əlizadə, Beynəlxalq İdarəetmə Elmi və Mühəndislik İdarəetməsi Cəmiyyətinin prezidenti Jupinq Xu, Azərbaycan Dövlət İqtisad Universitetinin rektoru Ədalət Muradov çıxış edərək, cəmiyyətin inkişafında elmin və təhsilin mühüm rolundan danışıb, müvafiq mövzu ilə bağlı fikirlərini bölüşüblər. Azərbaycan alimlərinin konfransa təqdim olunan məqalələri nüfuzlu "Springer" məlumat bazasına yerləşdirilib və dərc edilib.
Qeyd edək ki, "ICMSEM 2016" beynəlxalq konfransı 2007-ci ildən etibarən hər il dünyanın müxtəlif ölkələrində keçirilir. Bu il MDB məkanında ilk dəfə olaraq, konfransa Azərbaycan ev sahibliyi edir. Sentyabrın 1-də konfrans öz işini davam etdirəcək.