Siyasət
Azərbaycan-Gürcüstan sərhədlərinin delimitasiya və demarkasiyası bu il yekunlaşacaq
“Biz 2017-ci ildə Azərbaycanla sərhədlərin delimitasiya və demarkasiyasını davam etdirəcəyik və ümid edirəm ki, yekunlaşdıracağıq”. Bu sözləri Gürcüstan xarici işlər nazirinin müavini, Azərbaycan-Gürcüstan sərhədlərinin delimitasiyası və demarkasiyasına dair hökumətlərarası komissiyanın həmsədri David Calaqaniya deyib. “Bizim məqsədimiz odur ki, sərhədlərimizin qalan hissəsini uğurla delimitasiya edərək, yekunlaşdıraq. Mən buna çox ümid edirəm”, - deyə o, söyləyib.
Artıq Ermənistan cəmiyyəti də anlayır ki…
“Rəsmi İrəvanın əsgərimizin meyidini qaytarmamasının səbəbi odur ki, guya bu yolla Azərbaycanın Ermənistanla güc dilində danışmasını əngəlləmək istəyirlər”. “OLAYLAR”-ın xəbərinə görə, belə bir açıqlama ilə “Atlas” Araşdırmalar Mərkəzinin sədri, politoloq Elxan Şahinoğlu çıxış edib: “ Yəni demək istəyirlər ki, növbəti dəfə də hücum etsək şəhid olan başqa hərbçimizin də meyidini qaytarmayacaqlar. Bu yolla bizi hücumlardan çəkindirmək istəyirlər. Faydasız siyasətdir. Milli qəhrəmanımız Mübariz İbrahomovun da cəsədini tanınmaz hala gətirdilər və uzun müddət qaytarmadılar.
Ukrayna Erməniləri Milli Konqresinin sədri Aşot Avanesyanın açıqlamasının səs yazısı yayılıb
Ukrayna Erməniləri Milli Konqresinin sədri Aşot Avanesyanın açıqlaması ciddi rezonansa səbəb olub. Daha çox rezonansa səbəb olansa onun Azərbaycanın işğal olunmuş ərazilərinin geri qaytarılmalı olduğunu bəyan etməsidir. Bəzi dairələr və mətbuat orqanları A. Avanesyanın belə ifadə işlətmədiyini, fikirlərinin təhrif olunduğunu iddia edir. Halbuki A. Avanesyan müsahibəsində hər zaman ərazi bütövlüyünün, o cümlədən Azərbaycanın ərazi bütövlyünün tərəfdarı olduğunu açıq şəkildə bildirib.
Elçin Mirzəbəyli: "Dövlət maraqlarımızın qorunması istiqamətində "SƏS"qəzetinin xidmətləri əvəzsizdir"
"Səs" Azərbaycanın mətbuat tarixində öz yeri, öz çəkisi olan bir qəzetdir. Azərbaycançılıq ideyasının, istiqlal məfkurəmizin təbliğində, milli və dövlət maraqlarımızın qorunması istiqamətində yürüdülən siyasətin dəstəklənməsində "Səs"in xidmətləri əvəzsizdir". Bu fikirləri BAXCP sədrinin müavini, "Xalq Cəbhəsi" qəzetinin Baş redaktoru Elçin Mirzəbəyli bildirib.
Türk parlamentarizm ənənəsi və TÜRKPA
Qədim zamanlardan bu günümüzədək cəmiyyət və dövlət həyatında baş verən ictimai-siyasi transformasiya hadisələri dövlət idarəçilik institutlarının fəaliyyətində dərin məzmun dəyişikliyinə, o cümlədən, siyasi idarəetmədə iştirakçılıq dairəsinin davamlı olaraq genişlənməsinə səbəb olmuşdur. Bu proseslərin gedişində parlamentarizm ənənələrinin yaranması dövlətin idarə olunmasında bütün maraqlı tərəflərin iştirakını stimullaşdırmışdır. Eyni zamanda, bu ənənə dialoq və əməkdaşlıq mühitində mövcud fikir ayrılıqlarının fəal müzakirəsinə imkan yaratmış, siyasi idarəetmədə güclər arasında balans formalaşdırmışdır. Beləliklə, ilkin parlamentarizm prinsipləri sonrakı yüzilliklər boyu özünün təkamül prosesində müxtəlif istiqamətli siyasi-ideoloji baxışların formalaşması üçün təməl rolu oynamışdır.
Prezident İlham Əliyevin sədrliyi ilə Nazirlər Kabinetinin iclası keçirilib
Azərbaycan prezidenti İlham Əliyevin sədrliyi ilə Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib. Məlumata görə, dövlət başçısı iclasda giriş nitqi söyləyib.
Azərbaycan nümayəndə heyəti İranın sabiq prezidentinin dəfn mərasimində iştirak edəcək
Azərbaycan nümayəndə heyəti İranın sabiq prezidenti Əli Əkbər Haşimi Rəfsəncaninin dəfn mərasimində iştirak edəcək. Məlumata görə, bunu İranın Azərbaycandakı səfiri Cavad Cahangirzadə deyib.
Robert Sekuta geri çağırılacağı barədə yayılan məlumatlara münasibət bildirib
“Cənab Tramp məni burada saxlasa, mən qalacağam”. Bunu ABŞ-ın Azərbaycandakı səfiri Robert Sekuta deyib. “Mən prezidentin təyinatı ilə bu vəzifədə çalışıram. Biz ilk növbədə ABŞ prezidentinin nümayəndəsiyik. Cənab Tramp məni burada saxlasa, mən qalacağam”, - deyə o vurğulayıb.
Dağlıq Qarabağ münaqişəsinin həllində Avropa İttifaqının səsi daha ucadan gəlməlidir
“Azərbaycan ərazisinin Ermənistan tərəfindən işğalı, qaçqın və məcburi köçkünlərin olması Azərbaycan üçün böyük problemdir. Biz dialoq vasitəsilə həll yolu tapmağa cəhd edirik. Lakin danışıqlar prosesinə cəlb olunmuş ölkələrin məqsədləri fərqlidir”.
Ermənilər 40 dəfə atəşkəsi pozub
“OLAYLAR”-ın Müdafiə Nazirliyinə istinadən verdiyi xəbərə görə, erməni silahlı bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini ümumilikdə 40 dəfə pozub.
Hərbi icmalçı: “2017-ci il münaqişənin həlli ilə bağlı dönüş ili olacaq”
“Ermənistan prezidenti Serj Sarkisyanın Dağlıq Qarabağ münaqişəsi ilə bağlı növbəti sərsəm açıqlaması özlərinə haqq qazandırmaq və dünya birliyində məsum görüntüsü yaratmaq məqsədi daşıyır”. Bunu hərbi-siyasi icmalçı Ramil Məmmədli deyib.
“İctimai və humanitar fənlərin bütün universitetlərdə tədrisi zəruridir”
Son zamanlarda bəzi yazılı materiallarda, polemika və kuluarlarda qeyri-humanitar yönümlü ali təhsil müəssisələrində ictimai və humanitar fənlərin tədrisinin məqsədyönlü olmaması barədə mövzular müzakirə olunur. Bir iqtisadçı alim, Azərbaycan Texniki Unuversitetinin kafedra müdiri kimi hesab edirəm ki, bu, çox zərərli tendensiya olub, mənəvi dəyərlərimizi deqradasiyaya apara bilər.
Deputat: “ABŞ-Rusiya münasibətləri iki yol ayrıcındadır”
“Barak Obamanın prezidentliyi zamanı ABŞ və Rusiya arasında yaranmış gərgin münasibətlərin Donald Trampın dövründə müsbət məcrada inkişaf edə bilməsi Rusiyadan asılıdır”. Bunu millət vəkili Asim Mollazadə deyib.
“İcmaların görüşü ilə bağlı işlər davam etdirilir”
“Azərbaycan Respublikasının Dağlıq Qarabağ bölgəsinin erməni və azərbaycanlı icmalarının görüşünün baş tutması ilə bağlı işlər davam etdirilir”. Bunu açıqlamasında “Dağlıq Qarabağın Azərbaycan İcması” İctimai Birliyinin Şura üzvü, millət vəkili Rövşən Rzayev deyib.
Azərbaycanın işğal olunmuş əraziləri geri qaytarılmalıdır
Ukrayna Erməniləri Milli Konqresinin sədri Aşot Ovanesyan bu ölkədəki Birləşmiş Azərbaycanlılar Konqresinin sədri, Ukrayna Millətlər Assambleyasının rəhbəri Rövşən Tağıyevlə biznes ortalığı və son Yeni İl şənliyində Dağlıq Qarabağla bağlı onların adından yayılan xəbərlərə aydınlıq gətirib.














