Siyasət

Millət vəkili: “Erməni qadınlarının orduya cəlb edilməsinin iki səbəbi var”

16 Yanvar 2017 12:39

“Ermənilər getdikcə daha çox qadını orduya cəlb edirlər ki, bunun da iki səbəbi var. Biri açıqlanır, biri yox”. Məlumata görə, bunu millət vəkili Sahib Alıyev deyib. Onun sözlərinə görə, ermənilərin getdikcə daha çox qadını orduya cəlb etməsinin açıqlanan tərəfi odur ki, guya haylar da İsrail dövlətində olduğu kimi, ordu-xalq münasibətləri formalaşdırmağa çalışırlar: “Bunun mümkünsüzlüyünü Ermənistanın keçmiş prezidenti Levon Ter Petrosyan da açıqladığından, o haqda nəsə deməyə ehtiyac duymuram. Ancaq Ermənistanın ölkə deyil, hərbi baza gözündə görüldüyü özlərinə də sirr deyil”.

Azərbaycan prezidenti Davosda Avropa Yenidənqurma və İnkişaf Bankının rəbhəri ilə görüşüb - YENİLƏNİB

16 Yanvar 2017 12:18

Azərbaycan prezidenti İlham Əliyev Davosda Avropa Yenidənqurma və İnkişaf Bankının prezidenti Suma Çakrabarti ilə görüşüb. Bu barədə Azərbaycan prezidentinin mətbuat xidmətinin yaydığı məlumatda deyilir.  Apa.az

Politoloq: "Erməni hərbçilər silahlarını qoyaraq aradan çıxırlar" 

16 Yanvar 2017 12:15

“Ermənistan ordusunda fərarilərin sayı artıb. Erməni hərbçilər silahlarını və hərbi geyimlərini qoyaraq, mülki forma geyinib aradan çıxırlar. Komanda heyəti də bu prosesə rəhbərlik edə bilmir. Bu haqda erməni mətbuatında tez-tez yazılar dərc olunur. Fərariliyin qarşısını almaq üçün Emrənistan rəhbərliyi qondarma rejimin rəhbərliyi ilə iclaslar keçirir. Müəyyən yalan vədlər verərək, hərbi intizamı möhkəməndirməyə çalışsalar da, buna nail ola bilmirlər. Çünki Ermənistan ordusunda ciddi çürümə prosesi gedir”. Bunu  politoloq Qabil Hüseynli deyib.

Düşmən mövqelərinə cavab atəşi endirilib

16 Yanvar 2017 11:51

Ermənistan tərəfi cəbhə xəttində vəziyyəti yenidən gərginləşdirmək məqsədilə iriçaplı ağır silahlar tətbiq edib. “OLAYLAR”-ın Müdafiə Nazirliyinin mətbuat xidmətinə istinadən verdiyi xəbərə görə, yanvarın 15-i axşam saatlarından başlayaraq gecəyədək erməni silahlı bölmələri 60, 82 və 120 millimetrlik minaatanlardan da istifadə etməklə cəbhənin Tərtər-Ağdam istiqamətində Silahlı Qüvvələrimizin mövqelərini atəşə tutublar. Hərbi qulluqçularımız arasında itki yoxdur.

Ermənilər atəşkəsi pozarkən minatanlardan istifadə edir

16 Yanvar 2017 11:43

"OLAYLAR”-ın Müdafiə Nazirliyinə istinadən verdiyi xəbərə görə, erməni silahlı bölmələri cəbhənin müxtəlif istiqamətlərində 60, 82 və 120 millimetrlik minaatanlardan da istifadə etməklə sutka ərzində atəşkəs rejimini ümumilikdə 42 dəfə pozub. Ermənistan Respublikası Berd rayonunun Ayqepar, Çinari kəndlərində və adsız yüksəkliklərdə yerləşən mövqelərdən Tovuz rayonunun Əlibəyli, Ağbulaq və Koxanəbi kəndlərində yerləşən mövqelərimiz atəşə tutulub. İşğal altında olan Ağdam rayonunun Qaraqaşlı, Xocavənd rayonunun Kuropatkino, Füzuli rayonunun Horadiz, Qaraxanbəyli kəndləri yaxınlığında, həmçinin Göygöl, Goranboy, Tərtər, Xocavənd və Füzuli rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.