Putin internet məhdudiyyətlərini yumşaltmaqdan imtina edib – ÖZƏL

Olaylar.az xəbər verir ki, "The Guardian" qəzetinin mənbələrinə istinadən yaydığı məlumata görə, Rusiya Prezidenti Vladimir Putin mətbuat katibi Dmitri Peskov və administrasiya rəhbərinin müavini Sergey Kiriyenko kimi siyasi elitadan olan nümayəndələrin internet bloklanmalarını yumşaltmaq barədə xahişlərini rədd edib. 

Mənbələr müharibə fonunda Putinin təhlükəsizlik xidmətlərinə (FSB) üstünlük verdiyini və ölkənin "suveren internet" layihəsi çərçivəsində rəqəmsal nəzarəti daha da sərtləşdirdiyini bildirir. Xüsusilə 2026-cı ilin fevralında FSB-yə rabitəni tamamilə kəsmək səlahiyyəti verən yeni qanunun imzalanması daxili narazılığı artırıb. Bu internet repressiyaları Putinin reytinqinin son illərin ən aşağı səviyyəsinə düşməsinə və Moskva elitası arasında Kremlin Şimali Koreya modelinə yaxınlaşması ilə bağlı narahatlıqlara səbəb olsa da, ekspertlər elitanın bu müqavimətinin güc strukturlarını (silovikləri) daha sərt addımlar atmağa və nəzarəti gücləndirməyə sövq etdiyini qeyd edirlər.