Mexikonun baş koordinatoru: Azərbaycan WUF13-ü nümunəvi şəkildə təşkil etdi

Mexiko şəhərinin hökuməti və Meksika nümayəndə heyəti adından, Ümumdünya Şəhərsalma Forumunun 13-cü Sessiyasını təşkil etdiklərinə görə Azərbaycan xalqına və hökumətinə ən səmimi təbriklərimizi çatdırıram. Bakı bizi böyük səxavət, istilik, əzəmət və heyranedici qətiyyətlə qarşıladı.

AZƏRTAC xəbər verir ki, bu sözləri Mexiko şəhərinin beynəlxalq əlaqələr üzrə baş koordinatoru Maria del Rosario Lombera Gonzalez BMT-nin Ümumdünya Şəhərsalma Forumunun 13-cü Sessiyasının (WUF13) rəsmi bağlanış mərasimində söyləyib.

Göstərilən səylərin xüsusi təşəkkürə layiq olduğunu vurğulayan baş koordinator bu işin asan olmadığını, lakin Azərbaycan Hökumətinin buna baxmayaraq onu nümunəvi şəkildə həyata keçirdiyini qeyd edib.