Avropa Şurası Gürcüstan hökumətinə sərt çağırış edib – ÖZƏL
Olaylar.az xəbər verir ki, Strasburqda keçirilən Avropa Şurası Yerli və Regional Hakimiyyətlər Konqresinin 50-ci sessiyasında Gürcüstana dair hesabat müzakirəyə çıxarılıb. Stüart Diksonun təqdim etdiyi sənəddə rəsmi Tiflisdən demokratik islahatlara qayıtmaq tələb olunur.
Hesabatda yer alan əsas tələblər: Qütbləşməni azaltmaq üçün bütün tərəflərin iştirakı ilə inklüziv siyasi dialoqun bərpası; Seçki Məcəlləsinə edilən problemli düzəlişlərin ləğvi, Mərkəzi Seçki Komissiyasının müstəqilliyinin təmin edilməsi və gender kvotalarının bərpası; Müxalif rəyin cinayət hesab edilməsinə son qoyulması, partiyaların qadağan edilməsi təşəbbüslərindən imtina və həbs edilmiş jurnalistlərin azadlığa buraxılması; İnsan hüquqlarını pozan və vətəndaş cəmiyyətinin fəaliyyətini məhdudlaşdıran qanunvericiliyin ləğvi: Etirazçılara və saxlanılan şəxslərə qarşı tətbiq edilən zorakılıq hallarının ciddi şəkildə araşdırılması.
Konqres Gürcüstan hakimiyyətini Venesiya Komissiyasının tövsiyələrinə əməl etməyə və yerli demokratiyanı Avropa Xartiyasına uyğun bərpa etməyə çağırıb.