Ermənistan rəhbərliyi bunu etməklə öz dövlətçiliyini sual altında qoyur-Zaur Məmmədov- ÖZƏL

Xəbərlərimizi "WhatsApp" kanalımızdan oxuyun 

"İrəvandan  Azərbaycanın paytaxtı  Bakıya neçə km məsafə var və bu 700 km-lik uzaq mənzilli raketlərin alınması kifayət qədər ciddi xəbərdir."

Bu sözləri Olaylar.az-a açıqlamasında  siyasi şərhçi  Zaur Məmmədov söyləyib:

"Azərbaycan bu kimi çağırışlar qarşısında səssiz dayanmayacaq, ona görə ki, Cənubi Qafqaz onsuz da eninə-uzununa kiçik bir bölgədir. Burda bu qədər orta və uzaq mənzilli raketlərin alınması Cənubi Qafqazı ciddi şəkildə müharibə zonasına çevirə bilər. Əgər ölkə sülh istəyirsə, bu raketləri niyə alır? Bütün bu hadisələrlə, alış-satışla Ermənistan rəhbərliyi öz dövlətçiliyini sual altında qoyur. Əmin olsun ki, Azərbaycan sərhədçiləri və Azərbaycan hərbiçiləri hansısa xarici generalların, xarici ölkənin hərbiçilərinin  müxtəlif istehsallı ən müasir silahların bizim tərəfimizə buraxılmasına sakit dayanmayacaq."