AzTV komandasına edilən hücuma görə çox təəssüflənirəm - Fransanın Azərbaycandakı səfiri

Fransada AzTV televiziya komandasına edilən hücuma görə çox təəssüflənirəm.

Olaylar.az Trend-ə istinadən bildirir ki, bunu Fransanın Azərbaycandakı səfiri Ann Buayon bildirib.

"Ümid edirəm ki, bu əməlləri törədənlər tutulacaq", - deyə səfir özünün "Twitter" hesabında yazıb.

Qeyd edək ki, AzTV-nin Fransada çəkiliş aparan əməkdaşlarına hücum olub. Nəticədə müxbir və operator yüngül bədən xəsarətləri alıblar, çəkiliş kamerası isə əllərindən alınaraq sındırılıb. Əməkdaşlar kameranı geri tələb edərkən onları silahla hədələyiblər.