"Kommunikasiyaların açılması məsələsində irəliləyiş var"

Nikol Paşinyan Soçiyə səfəri çərçivəsində rusiyalı həmkarı Mixail Mişustinlə görüşü zamanı Azərbaycanla regional nəqliyyat kommunikasiyalarının açılması prosesindəki son vəziyyətdən danışıb.

Olaylar.az Trend-ə istinadən xəbər verir ki, "Nəqliyyat kommunikasiyalarının açılması üzrə İşçi Qrupun son iclası zamanı nəzərəçarpacaq irəliləyiş qeydə alınıb və mən bundan çox məmnunam",- deyə Paşinyan bildirib.

Ermənistanın baş naziri ölkəsinin regionda nəqliyyat kommunikasiyalarının açılması üçün hazır olduğunu bildirib:

"Biz konkret təkliflərimizi vermişik və ümid edirəm ki, bu təkliflər qəbul olunacaq. Bu, bizim son iki il ərzində işləyib hazırladığımız kompromis həllərdir".