Qənirə Paşayeva bir qrup kəlbəcərli ziyalı ilə görüşüb

Millət vəkili, Milli Məclisin Mədəniyyət Komitəsinin sədri Qənirə Paşayeva bir qrup Kəlbəcərli ziyalı ilə görüşüb. "Olaylar" xəbər verir ki, görüş Kəlbəcərin işğaldan azad olunmasının birinci ildönümü münasibətilə MM Mədəniyyət Komitəsinin dəstəyi ilə rəssam Aygün Nağıyevanın Rəssamlar İttifaqının Vəcihə Səmədova adına sərgi salonunda keçirilən "Qarabağa ithaf" bədii sərgisində baş tutub. Q.Paşayeva Kəlbəcər ziyalılarını, onların timsalında bütün Kəlbəcərliləri, Azərbaycan vətəndaşlarını, dünya azərbaycanlılarını təbrik edib, urək sözlərini bölüşüb.