Kreml Ukrayna üzrə danışıqlarda Avropa nümayəndələrinin iştirakı şərtlərini açıqlayıb – ÖZƏL

Olaylar.az xəbər verir ki, Rusiya Prezidentinin mətbuat katibi Dmitri Peskov brifinqdə bildirib ki, Moskva müvafiq səlahiyyətlərə malik olduqları və sülh prosesində həqiqətən maraqlı olduqları təqdirdə Ukrayna münaqişəsinin nizamlanması üzrə Avropa nümayəndələri ilə dialoqa hazırdır. Daha əvvəl ABŞ Prezidentinin xüsusi nümayəndəsi Cared Kuşner Ukrayna üzrə növbəti danışıqlar raundunun Avropa İttifaqı təmsilçilərinin iştirakı ilə keçirilə biləcəyini demişdi.

Peskovun sözlərinə görə, Moskva danışıqlar formatının genişləndirilməsini müzakirə etməyə hazırdır və zərurət yaranarsa, Rusiya Prezidenti Vladimir Putin yeni üçtərəfli danışıqlarda Rusiya nümayəndə heyətinin tərkibinin genişləndirilməsi barədə qərar qəbul edə bilər.

Kreml sözçüsü həmçinin Putinin cümə axşamı ABŞ Prezidentinin xüsusi elçiləri Stiv Vitkoff və Cared Kuşnerlə görüşü zamanı irəli sürdüyü Konstantinovkada humanitar missiya təşkil etmək təşəbbüsünə toxunub. Peskov Amerika tərəfinin bu təşəbbüsün həyata keçirilməsində maraqlı olduğunu bildirib və oxşar humanitar təcrübənin inkişafında ABŞ-nin birinci xanımı Melaniya Trampın rolunu xatırladıb. Eyni zamanda o, Kiyevin Rusiyanın bu missiyadan zirehli texnika daşımaq və ya hərbçilərin rotasiyası üçün istifadə edə biləcəyi ilə bağlı iddialarını rədd edib.