Kəlbəcər bu gün yenidən qurulur, bərpa edilir

Düşmənin daha cox ziyan vurduğu, təbiətini belə məhv etdiyi, yeraltı və yerüstü sərvətlərini mənimsədiyi ərazilərimizdən biri də Kəlbəcər rayonudur. 27 il  Kəlbəcəri işğal altında saxlayan Ermənistan hətta 44 günlük Vətən müharibəsinin nəticəsi olaraq imzalanan 10 nəyabr bəyatına uyğun rayonu tərk edərkən belə bu dilbər guşəımizə qarşı vandallıqdan əl çəkmədi, Kəlbəcərdən çıxarkən onun meşələrini məhv etdi, evlərini yandırdı. Necə ki, 27 il əvvəl Kəlbəcəri, eləcə də digər ərazilərimizi işğala məruz qoyarkən dünyanın gözü qarşısında eyni vəhşilik, vandallığı etmişdilər, keçən ilin bu günlərində kapitulyasiyaya uyğun olaraq Kəlbəcəri boşaldarkən də yenə dünyanın gözü qarşısında bəşəri cinayətə, qeyri-insani əməllərə yol verdilər. Eyni zamanda bu cinayət prosesə nəzarət edən Rusiya sülhməramlılarının gözü qarşısında cərəyan etdi.a

Bu gün isə artıq Kəlbəcər azadddır və öz əvvəlki sahibinin əlindədir. 2020-ci il, noyabrın 25-də Azərbaycan yenidən Kəlbəcərə qovuşdu və bu gün ölkəmiz Kəlbəcəri yenidən qurur, abadlaşdırır, gözəlləşdirir. Elə Yeni Azərbaycan Partiyasının Nizami rayon təşkilatının sədri Ramil Vəlibəyov da deyir ki, bu gün Kəlbəcər rayonu yenidən qurulur, bərpa edilir: "2021-ci il avqustun 16-da Azərbaycan Respublikasının Prezidenti, Silahlı Qüvvələrin müzəffər Ali Baş Komandanı İlham Əliyev və birinci xanım Mehriban Əliyeva işğaldan azad olunmuş Kəlbəcər rayonunda səfərdə oldular. Prezident İlham Əliyev Kəlbəcərdə Azərbaycan bayrağını qaldırdı. Bununla da Kəlbəcər rayonunda bərpa-quruculuq işlərinə artıq rəsmi start verildi. Elə Göygöl və Kəlbəcər rayonlarını birləşdirəcək Toğanalı-Kəlbəcər avtomobil yolu üzərində Murovdağda inşa olunan tunelin, Kəlbəcər-Laçın avtomobil yolu üzərindəki tunelin təməlinin qoyulması, "Kəlbəcər-1" Kiçik Su Elektrik yarımstansiyasının, eləcə də "Kəlbəcər" yarımstansiyasının açılışı Kəlbəcərdə aparılan bərpa işlərinin ilk akkordları hesab edilə bilər".

Yaxın tarixə, Kəlbəcər rayonunun işğalına gətirib çıxaran hadisələrə diqqət çəkən hakim partiya rəsmisi deyib ki,  1993-cü ilin 2 aprel tarixində Ermənistan Respublikası Silahlı Qüvvələri tərəfindən Kəlbəcər rayonu işğal edilmişdi. Onun sözlərinə görə, Kəlbəcərin işğalından sonra BMT Təhlükəsizlik Şurası 822 saylı Qətnamə qəbul etmişdi: "Qətnamədə bütün işğalçı qüvvələrin Kəlbəcər və Azərbaycanın digər işğal olunmuş rayonlarından dərhal çıxarılması tələb olunurdu. Lakin rəsmi İrəvan həmin Qətnaməni icra etmədi, beynəlxalq təşkilatlar tərəfindən isə onun icrası tələb olunmadı. Əksinə, BMT-nin və ATƏT-in prinsiplərinə zidd olaraq 1999-cu ildən Kəlbəcər rayonu ərazisində ermənilərin məskunlaşdırılmasına başlanıldı. Yalnız Kəlbəcərin işğalından 27 il sonra müzəffər Ali Baş Komandan İlham Əliyevin rəhbərliyi ilə rayon işğaldan azad edildi".

Ramil Vəlibəyov bildirib ki, Vətən müharibəsinin ilk günlərində döyüşlər zamanı Kəlbəcərin şimal hissəsi Azərbaycan Silahlı Qüvvələri tərəfindən işğalçılardan azad edilmişdi: "Məhz, Kəlbəcər kimi strateji yüksəkliklərin götürülməsi ermənilərin istifadə etdikləri nəqliyyat-kommunikasiya infrastrukturuna nəzarət etməyə imkan verirdi. Beləliklə də, 44 günlük Vətən müharibəsində Azərbaycanın əldə etdiyi qələbə nəticəsində imzalanmış üçtərəfli bəyanata əsasən, kapitulyasiya etmiş Ermənistan götürdüyü öhdəliyə əsasən noyabrın 25-də Kəlbəcərdən silahlılarını çıxardı və rayonu Azərbaycana təhvil verdi. Bununla da, Azərbaycan xalqı beynəlxalq qanunların aliliyini, tarixi ədaləti bərpa etdi və müzəffər Ali Baş Komandan İlham Əliyevin praqmatik siyasəti nəticəsində Kəlbəcər şəhəri də daxil olmaqla, rayonun 147 yaşayış məntəqəsi işğaldan azad edildi. 2020-ci il noyabrın 26-da isə "Kəlbəcərin azad olunmasına görə" medalı təsis edildi və müzəffər Ali Baş Komandan, Prezident İlham Əliyevin sərəncamları ilə Kəlbəcər rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin 9424 hərbi qulluqçusu "Kəlbəcərin azad olunmasına görə" medalı ilə təltif olundu".

Süleyman