Rusiya və Fələstin prezidentləri görüşəcək

Olaylar.az TASS-a istinadən xəbər verir ki, Rusiya prezidenti Vladimir Putin noyabrın 23-də Soçidə fələstinli həmkarı Mahmud Abbasla danışıqlar aparacaq.

Bu barədə Kremlin mətbuat xidmətindən verilən məlumatda bildirib.

"Liderlər Rusiyanın Fələstin-İsrail problemini həll etmək səylərini nəzərə alaraq, ikitərəfli əməkdaşlığın gələcək inkişafını və Yaxın Şərq regionunda  ümumi vəziyyəti nəzərdən keçirəcəklər", - mətbuat xidməti qeyd edib.

Fələstinin xarici işlər naziri Riyad əl-Maliki bir müddət əvvəl, ölkə lideri bir sıra qlobal və regional problemlərə, xüsusən də Yaxın Şərq münaqişəsinin həllinə toxunmağa hazırlaşdığını bildirib.